Qui a toutes ses hontes bleues

Qui a toutes ses hontes bleues

Qui a toutes ses hontes bleues,
Il ne lui chaut que l'en lui dire,
Il laisse passer moquerie 
Devant ses yeux, comme les nues.

S'on le hue par my les rues,
La teste hoche a chiere lie.
Qui a toutes ses hontes bleues,
Il ne lui chaut que l'en lui dire.

Truffes sont vers lui bien venues ;
Quant gens rient, il faut qu'il rie ;
Rougir on ne le feroit mie ;
Contenances n'a point perdues,
Qui a toutes ses hontes bleues.

       Charles d‘Orléans  (1394-1465)